हॅंग ओव्हर

पार्टी संपली, रात्र सरली दुपारही टळली,
तरी हॅंग ओव्हर चालूच आहे

इवलेसे घर त्यात
देह दीड हात
मातीत मळलेले पंजे
आणि पाय आभाळात..
करुन करुन करणार काय
खाली डोके वर पाय
माझी नव्हती इच्छा अशी
खेळ दैवाचा दुसरं काय ..
दुपार झेलत झेलत
वाट पहाणं रात्रीची
कित्येक तास चालूच आहे ..

हाका.. हाका .. हाका..
हाका चारी दिशांनी ..
घर डोक्यावर घेतले आहे
घोंगावणा-या माशांनी
भिंतीवरचा बिग बी चिडतो
तो ही माझ्यावर ओरडतो
माझा घसा कोरडतो ..
मी कोप-यात बसून
रडतो ...
हे असेच
किती युगे चालू आहे ?

नाचरं आकाश, नाचते ही धरा
त्यांचा फक्त नाच, माझ्या घराला चिरा ..
घर आवरले जरी , कसे सावरू मन .
वा-याने उडू पाही जसे सुकले पान ..
मी त्याल पकडावे .. त्याने दूर उडावे ..
हेच चालू आहे .
..
तू यावं आणि लपून
तिनं बोलावं
हेच चालू आहे !