मामाच्या गावाला जाऊया..

 सूं.. सूं .. सूं सूं विमान जाई

उंच ढगात झोके घेई

देशांची नावे सांगू या

मामाच्या देशाला जाउया

जाउ या

मामाच्या देशाला जाउया

मामा माझा नोकरदार

कंपनीच घर न दार

उंच इमारती मोजु या

मामाच्या देशाला जाउया

मामाची बायको गोरटी

म्हणेल काळी ही पोरटी .. हां ... ? हां

तिला मराठी शिकवूया ..

मामाच्या देशाला जाउया

मामाची बायको ख्रिश्चन..

तिच्या घरात नाही किचन

मग फास्ट्फूड रोज खाउ या ..

मामाच्या देशाला जाउया

काय मामाच्य देशाची पुर्वाई

पण, मन रमत नाही ..

घरीच लवकर जाऊ या..

मामाच्या देशाला जाउया

सूं.. सूं .. सूं सूं विमान जाई

उंच ढगात झोके घेई

देशांची नावे सांगू या

मामाच्या देशाला जाउया

जाउ या

मामाच्या देशाला जाउया

मळभ

निळे शुभ्र आभाळ तरी

सभोती मळभ कसे  ?

शुष्क तरुतळी

फुलांचे गंध कसे?

ना दिसे , तरी भासे

मग तोडू हे पाश कसे ?

विश्व वाहून गेले सारे,

सोबती नेऊ मी पार कसे? 

#सहज #सुचल म्हणून ..

थोडस जरी लिहिलं तरी त्याला
आता tags जोडावेसे वाटतात.. 

tags चे दागिने माळल्या विना
लोक्स थोडी ना वाचतात .. 

कलेसोबत जगण्यासाठी कलाकार
पूर्वी फक्त पैशाचेच हिशोब ठेवायचे..  

आता likes आणि followers
हे सुद्धा टॅक्स भरायचे.. 😅

निव्वळ timepass म्हणून
लिहिणं, 

अभ्यास म्हणून
रेखटणं, 

गप्पा म्हणून
बडबडणं,

हे सुद्धा
हळूच या टॅक्सच्या कक्षेत येणार आहे 

कधी तरी दिलेली जांभई 🥱सुद्धा
नकळत monetize होणार आहे .. 

कदाचित उद्या नाही परवा नाही
पण होणार हे नक्की .. 

बातमी आहे खरी..
सूत्रांकडून पक्की .. 😆

- Veerendra 

16 June 2024